မနက်ဖြန် သီတင်းကျွတ်လပြည့်နေ့..... သူကတော့ အစီအစဉ်တွေဆွဲထားတာပဲ..... အာရုဏ်ဆွမ်းကပ်ပြီးရင်ဥပုဒ်စောင့်မယ်တဲ့.... နေ့လည် တရားနာမယ်၊ ပြီးရင် ညဘက်ဘုရားမှာ ဆီမီးပူဇော်မယ်... ညကျရင် MRTV ကလာတဲ့ ဗုဒ္ဓဂါယာကို ဖူးရင်းနဲ့ ဗုဒ္ဓ၀င်တွေကိုကြည်ညို ပူဇော်လို့ သီတင်းကျွတ် လပြည့်ညကို ဖြတ်သန်းမယ်တဲ့... တစ်နှစ်မှ တစ်ခါထဲ ကြုံရတဲ့ သီတင်းကျွတ် လပြည့်ညကိုချစ်သူနဲ့အတူ လျှောက်လည်ရင်း ကုန်ဆုံးချင်တာပေါ့...... ဒါပေမဲ့ သူက ငယ်ငယ်ထဲက ကြောက်ရတဲ့ ချစ်သူလေ... ဘယ်လိုငြင်းဆန်နိုင် မှာလဲ..ဒီညလဲ အဖိတ်နေ့ည ဆိုပေမဲ့ ဆီမီးတွေလဲ ပူဇော်နေကြပြီ.. အိမ်မှာလဲ မေမေတို့ မရှိကြဘူး အဖိုးအဖွားတွေကို ကန်တော့ဖို့ ည(၇)နာရီလောက် ကတည်းက ထွက်သွားကြတယ်.. အိမ်မှာ တစ်ယောက်ထဲဆိုတော့ မပြန်ချင်သေးတာနဲ့မြို့ထဲထွက်လာမိတယ်၊ အဖိတ်နေ့ပေမဲ့စတိတ်ရှိုးတွေလဲ တီးခတ်နေကြပြီ........
တစ်ယောက်ထဲလျှောက်လည်ပြီး ည(၁၀)နာရီလောက်မှာတော့ အိမ်ကိုပြန်ခဲ့တယ်... ဒီနေ့လဲဥပုတ်မစောင့်ပေမဲ့ သူ့အိမ်ရဲ့ စည်းကမ်းအရ (၈)နာရီမထိုးခင် အိမ်ပြန်သွားခဲ့တယ်..သူနဲ့ ကျွန်တော်က ချစ်သူတွေဖြစ်နေကြပေမဲ့ မိဘချင်းအဆင်မပြေမှုလေးတွေကြောင့် ဇာပ၀ါပါးပါးနဲ့ ကန့်လန့်ကာ ခြားပြီး ချစ်နေရသလိုလို..... မြင်သလိုလို မမြင်သလိုလိုနဲ့ လေ.. . ဒါပေမဲ့ကျွန်တော့် အိမ်ကတော့ သူ့ကို ချစ်ပါတယ်။ သူ့အိမ်ကတော့ ကျွန်တော့် မိဘတွေနဲ့ အတူ ကျွန်တော့်ကိုပါ ကြည့်မရဖြစ်နေကြတာလေ...ဒီအခြေအနေတွေကြောင့် သူကကျွန်တော့်ရဲ့ သဲတထိတ်ထိတ် ကြောက်ရတဲ့ ချစ်သူပေါ့........
` ` ကလင်.... ကလင်.... ကလင်......´´ အဆက်မပြတ် မြည်နေတဲ့ ဖုန်းသံကြောင့် အိပ်ချင်မူးတူးနဲ့ ဖုန်းခွက်ကိုကောက်ကိုင်လိုက်မိတယ်တစ်ဘက်က ပြောစကားကိုနားထောင်လိုက်ပြီးတာနဲ့ချက်ချင်းမျက်လုံးကျယ်သွားတယ်.. ခေါင်းနပန်းလဲ
ကြီးသွားတယ်၊ မေမေတို့ စီးသွားတဲ့ကားနဲ့ ကုန်ကားတစ်စီးတိုက်မိလို့တဲ့..... အသေအပျောက်မရှိပေမဲ့ .... ဆေးရုံတင် လိုက်ရတယ်ပြောတယ်.....ချက်ချင်းပဲပုသိမ်ဆေးရုံကိုလိုက်ခဲ့ရတယ်၊ ဆေးရုံရောက်တော့အသက်မသေပေမဲ့ ဖေဖေကခြေတစ်ဘက်ကျိုးသွားခဲ့ရတယ်၊ အသက်အရွယ်အရ ချက်ချင်း ကောင်းဖို့ မလွယ်တော့ ဆေးရုံတင်ထားလိုက်ရတယ်..... နောက်တော့
ရန်ကုန် ဆေးရုံကြီးကိုပြောင်းရွှေ့ကုသရင်း ကျောင်းတက်ဖို့လဲ မလိုတော့တဲ့ ကျွန်တော်က ..... လူနာစောင့်ဖြစ်သွားတယ်၊ တစ်လကျော်ကျော်လောက်ကြာမှဆေးရုံက ဆင်းခွင့်ရတယ်........ ဆေးရုံ လူနာစောင့် ဖြစ်ခဲ့တဲ့ တစ်လ ကျော်ကျော်အတွင်းမှာ ချစ်သူ လေးနဲ့ လုံးဝတွေ့ခွင့်မရခဲ့တော့ဘူး၊သူနဲ့အတူစီစဉ်ထားခဲ့တဲ့အာရုဏ်ဆွမ်းလဲမကပ်ဖြစ်တော့ဘူး၊ နောက်မှသိလိုက်ရတာက လပြည့်ကျော်တစ်ရက်နေ့မှာ သူ့ဖေဖေ ရာထူးတက်လို့ သူတို့ မိသားစု ရန်ကုန်ကို ပြောင်းရွှေ့သွားခဲ့တယ် ဆိုတာပါပဲ....၊ ကျွန်တော်နဲ့ မဆုံဖြစ်တဲ့အကြောင်းကို သူသိလား၊ မသိဘူးလား၊ ကျွန်တော် မသိခဲ့ပါဘူး၊ ကျွန်တော့်ကို နှုတ်ဆက်မသွားတာကိုက မကျေနပ်ခဲ့ဘူး ဆိုတာကို ပြသွားတာပေါ့.....
ကျွန်တော် လိပ်စာလဲ စုံစမ်းလို့ မရခဲ့ဘူး၊ ကိုယ့်အပူနဲ့ကိုယ်လေ.. သတိရပေမဲ့လဲ မတတ်သာခဲ့ပါဘူး၊သူစိတ်ကျေတဲ့တစ်နေ့ ကျွန်တော့်ကိုဆက်သွယ်လာလိမ့်မယ်လို့ မျှော်လင့်မိပေမဲ့..... ရက်တွေသာကြာသွားတယ်...... အဆက်အသွယ်မရခဲ့ပါဘူး၊သူ့အိမ်ကို ဖုန်းဆက်တော့လဲ မန္တလေးမှာ လိုလို၊ရန်ကုန်မှာလိုလိုနဲ့ ဌာနတစ်ခု အလုပ်ဝင်သွားကြောင်းသာ သိခဲ့ရတယ်၊ သူ့ သူငယ်
ချင်းတွေဆီက တဆင့် စုံစမ်းပေမဲ့လဲ.... သေချာတဲ့ လိပ်စာလေးတစ်ခုတောင် မရခဲ့ပါဘူး၊ ဒီလိုနဲ့ အေးစက်စက် ဝေးခဲ့ကြရတယ်.......သူကိုယ်တိုင် အထင်အမြင်လွဲခဲ့တော့လဲ.... ဘာမှ မတတ်နိုင်တဲ့ လွမ်းဆွတ်ခြင်းတွေကိုပဲ ပိုင်ဆိုင်ခဲ့ရတာပေါ့......။
ဒီလိုနဲတစ်လလောက်အကြာမှာတော့ကျွန်တော့်ဆီကိုစာလေးတစ်စောင်ရောက်လာခဲ့တယ်. သူရန်ကုန်မှာ အလုပ်ဝင်နေကြောင်း၊ ကျွန်တော့် မိဘအခြေအနေကို မသိခဲ့တဲ့အတွက် သူ အထင်လွဲခဲ့မိတာကို တောင်းပန်ကြောင်းမကြာမီ သူ့အိမ်က သူ့ကို အိမ်ထောင်ချပေးဖို့ စီစဉ်နေကြောင်းနဲ့ သူ့ကို လာခေါ်ဖို့ .... ဒါမှမဟုတ် သူ.လိုက်လာဖို့ တစ်ခုခုကို လမကုန်မှီ အကြောင်းပြန်ပေး စေလိုကြောင်း ရေးသားထားတယ်၊ ကျွန်တော့်ဆီကို စာလေးရောက်လာတော့ လကုန်ပြီးလို့ (၅)ရက်တောင် ကြာခဲ့ပြီလေ... ကျွန်တော်........ အလောတကြီး လိုက်သွားပေမဲ့ ရန်ကုန်မြို့မှာ...... ညီမလေး မရှိတော့ဘူး၊ သူ့အိမ်က သဘောတူတဲ့သူနဲ့ သူအိမ်ထောင်ပြုလိုက်ရပြီဆိုတဲ့ သေချာတဲ့ သတင်းလေးတစ်ခုတော့ ကြားခဲ့ရတယ်..... ကျွန်တော်တို့ ဝေးကွာပြီး (၄)လ အကြာမှာပေါ့...အဲဒီနောက်ပိုင်းမှာတော့ ကျွန်တော်လဲ ကုန်စည် ကူးသန်း ရောင်းဝယ်ရင်းနဲ့...... လုံးဝသတင်းဆက်ပြတ်သွားခဲ့တယ်..... ရင်ထဲမှာအမြဲရှိနေခဲ့ပေမဲ့ စုံစမ်းဖို့ အားတွေ မရှိတော့လို့ပါ.....။ဒီအဖြစ်အပျက်တွေက အခုဆိုရင်(၃)နှစ်တောင် ကြာခဲ့ပြီလေ..... ဖေဖေဆေးရုံဆင်းပြီးတော့ဖေဖေ့အလုပ်တွေကိုအတူလိုက်လုပ်ရင်း ကျွန်တော်လဲ ကုန်သည်ကြီး တစ်ပိုင်းလိုဖြစ်ခဲ့ရပြီ သီတင်းကျွတ် လပြည့်ညတွေကတော့ ညီမလေးနဲ့ အတူ ကျွန်တော့်
ဘ၀ထဲက ထွက်ခွါသွားခဲ့ပါပြီ...... ဒါပေမဲ့ ကျွန်တော် ရောက်ရာ အရပ်မှာ.... အမြဲဆီမီးပူဇော်ခဲ့ပါတယ်..... ဖေဖေ၊ မေမေကျန်းမာစေဖို့နဲ့ညီမလေးစိတ်ချမ်းသာပျော်ရွှင်နေစေဖို့ ဆုတွေ တောင်းရင်းနဲ့လေ...... ။
ဒီနှစ် သီတင်းကျွတ်မှာတာ့...... ကျွန်တော်နဲ့ ညီမလေးတို့ နေထိုင်ခဲ့တဲ့ပုသိမ် မြို့ကလေးကို ပြန်ရောက်ခဲ့တယ်. မှတ်မှတ်ရရဒီနေ့ အဖိတ်နေ့လေ..... ညီမလေးနဲ့ အာရုဏ်ဆွမ်းကပ်မဲ့ ဘုန်းတော်ကြီးကျောင်းကို ရောက်ခဲ့တယ်၊ ကျောင်းရဲ့ အရှေ့ဘက် ကုန်းလေးပေါ်မှာ ရွှေရောင် စေတီသေးသေးလေးတစ်ဆူ တွေ့ရတယ်..... ကျွန်တော်နဲ့ ညီမလေးနဲ့လာခဲ့တုန်းက မရှိသေးတဲ့ စေတီလေး....... ရုတ်တရက်ကြည့်လိုက်ရင် လွမ်းစေတီလေးလိုပါပဲ...... ကျောင်းပေါ်ကို အရင်တက်ပြီး ဆရာတော်ကို ဦးချကန်တော့ အလှူငွေ ၀တ္တု နည်းနည်းလှူတန်းပြီး စေတီလေးဘက်ကို ထွက်လာခဲ့တယ်... ကြည်ကြည် လင်လင်လေး ညနေစောင်းဖြစ်ပေမဲ့ အဖိတ်နေ့ညရဲ့ လ၀န်းလေးက ဖြူသလိုလို..... ၀ါသလိုလိုလေး ထွန်းလင်းဖို့ အရှိန်ယူနေလေရဲ့........ စေတီလေးကိုဦးချပြီးတစ်ပတ်ပတ်ကြည့်လိုက်တော့ စေတီလေးရဲ့အောက်ခြေမှာအလှူရှင်ရဲ့ကမ္ဗည်းလေး ရေးထိုးထားတယ်....ညီမလေး(မသဇင်၊အသက်(၁၈)နှစ်၊ ကောင်းမှု.............တဲ့ မျက်လုံးတွေ ပြာဝေသွားမိတယ်.........ဘာကြောင့်များညီမလေးဆုံးပါးသွားခဲ့ရတာလဲ..... အောက်မှာ စေတီတည်တဲ့ရက်လေးရေးထိုးထားသေးတယ်........ကျွန်တော်တို့ ဝေးခဲ့ကြတဲ့..... လွန်ခဲ့တဲ့ (၃)နှစ်ကပေါ့...... ဒါဆိုညီမလေးက အိမ်ထောင်မပြုရသေးဘဲနဲ့....... ကွယ်လွန်ခဲ့ရတာလား၊ ဒါမှမဟုတ်..... အိမ်ထောင်ပြုပြီးမှ ကွယ်လွန်ခဲ့တာလား၊ မတော်တဆလား၊ ကျွန်တော့် စိတ်ကြောင့်လား၊ ကျွန်တော် ဘာကြောင့် မသိခဲ့တာ
လဲ၊ သူငယ်ချင်းတွေ ဘာကြောင့် ကျွန်တော့်ကို မပြောပြခဲ့ကြာလဲ...... ကြည့်နေရင်း စဉ်းစားနေရင်းနဲ့....... မျက်လုံးထဲမှာ မျက်ရည်တွေဝိုင်းလာမိတယ်၊ သေသေချာချာလဲ မမြင်ရတော့ဘူး....... ၊ အမြင်တွေေ၀၀ါးနေတဲ့ ကြားက သိလိုက်ရတာက ကျွန်တော် ကောင်းမွန်စွာရှင်သန်နိုင်ဖို့အတွက် ညီမလေးဆန္ဒအရ သူငယ်ချင်းတွေ ကအသိမပေးခဲ့ဘူးလေ။ဘာလိုလည်းဆိုတော့ညီမလေးမှာက သွေးကင်ဆာရောဂါဖြစ်နေခဲ့တယ်လေ....ညီမလေးရယ် အကိုကညီမလေး ဘာတွေဖြစ်နေနေချစ်နေမှာပါကွာ ခုတော့ညီမလေးရေ အကိုနဲ့ညီမလေးကဘ၀ခြားသွားခဲ့ပြီနှော် ဘာတွေဘဲဖြစ်ဖြစ် အကိုကတော့ညီမလေးနဲ့ ခုဘ၀မှာမဆုံးစည်းရပေမဲ့ နှောင်ဘ၀တော့ဆုံစည်းခွင်းပေးပါနှော်ညီမလေး............
မနက်ဖြန် သီတင်းကျွတ်လပြည့်ပြီ ညီမလေးရေ....... ညီမလေးနဲ့ အတူတူဖူးမျှော်ခဲ့တဲ့ ရွှေမုဌော ဘုရားမှာအကိုညီမလေးရဲ့ ၀ိဥာဉ်လေးနဲ့အတူပဲဖြစ်ဖြစ် အာရုဏ်ဆွမ်းကပ်ပါ့မယ်ကျေနပ်နော်.. နောက်ပြီး ညီမလေးရဲ့ လွမ်းစေတီလေးမှာ တတ်နိုင်သမျှ တဒင်္ဂဖြစ်ဖြစ် ကိုယ် တရားအားထုတ်ပါ့မယ်၊ ပြီးရင် သီလဆောက်တည် မယ်နော်......ညီမလေးနဲ့ ပျော်ခဲ့တဲ့နေ့ရက်တွေ ညီမလေးရဲ့ အပြစ်ကင်းတဲ့အပြုံးလေးတွေ အပြောအဆိုလေးတွေကို အကိုအမြဲတမ်းအသတိရနေမယ်နှော် ညကျရင် MRTV ကလာတဲ့ ဗုဒ္ဓဂါယာကို ဖူးရင်းနဲ့ ဗုဒ္ဓ၀င်တွေကို ကြည်ညို ပူဇော်ရင်း လှပတဲ့ သီတင်းကျွတ်လပြည့် ညကို ဖြတ်သန်းမယ်နော်....... ညီမလေးမြင်တွေ့ခွင့်ရနေသေးရင် သာဓုခေါ်ပေးပါနော် ..... ဒါမှ မဟုတ်ရင်လဲ ကောင်းမွန်တဲ့ဘုံဘ၀ တစ်ခုမှာ ပျော်ရွှင်ချမ်းမြေ့နိုင်ပါစေ ညီမလေးရေ...........။ ညီမလေး သဓုခေါ်လိုက်နှော် အမျှ အမျှ အမျှ.......သာဓု သာဓု သာဓု.......
လေးစာလျှက် လမင်းမောင် (ပုသိမ်)
No comments:
Post a Comment